На фінальны пікет па зборы подпісаў сабраліся далёка не ўсе ініцыятыўныя групы - група Ціханоўскіх на той момант спыніла збор подпісаў, група Бабарыка ў гэты дзень узмацнілася гасцямі з іншых гарадоў і пад вечар расставіла пікеты амаль у кожным мікрараёне горада, але ў Цэнтар не пайшлі. Такім чынам на цэнтральнай плошчы на заканчэнне падпісной кампаніі збіралі подпісы за Андрэя Дзмітрыева і Мікалая Казлова. Канешне ахвотных падпісацца было ўжо далёка не столькі як у першыя дні пікетаў, але да стала Мікалая Казлова чарга ўтварылася і сябрам групы давялося выстаўляць яшчэ адзін стол, каб зрабіць дадатковае рабочае месца для зборшчыкаў падпісаў.

Хаця Андрэй Дзмітрыеў не надта папулярны палітык на гэтых выбарах, пры наяўнасці толькі двух кандыдатаў не мала подпісаў дасталося і яму - больш за 2 аркушы подпісаў назбіраў сябра яго ініцыятыўнай групы меньш чым за паўтары гадзіны. Планавалася, што фінальны пікет будзе ісці не больш за гадзіну - выключна як сімвалічная акцыя, але пры наяўнасці даволі вялікай колькасці ахвотных падпісацца, пікетоўцы засталіся да 8 гадзін вечара.

На наступную раніцу стала вядома, што пікет які пазіцыянаваўся як фінальны стаў не апошнім, а перадапошнім у Оршы - на наступны дзень у Оршы ўтварыўся свой ланцуг салідарнасці з палітвязнямі.