Хаця ўлада зрабіла выгляд, што жадае пачуць альтэрнатыўнае меркаванне, у той жа дзень калі спікер парламента Ўладзімір Андрэйчанка правёў сустрэчу з дэмакратычнымі акывістамі, вечарам былі затрыманыя двое чалавек. Адзін з іх Аляксандар Андрэеў таксама прысутнічаў на сустрэчы з чыноўнікамі і падняў пытанне пра палітычных вязняў. Вечарам да яго да хаты прыехалі міліцыянты і ён сам аказаўся ў ролі палітычнага вязня. Другі да каго прыехалі міліцыянты Павал Парфянкоў - яго таксама затрымалі дома вечарам. Наколькі нам вядома судзіць іх будуць у панядзелак за ўдзел у "Ланцугу салідарнасці" як і Міхаіла Чамурака. Раніцай 27 чысла стала вядома, што ў Горацкае РАУС 26 чысла быў выкіканы Дзмітрый Рышкевіч. Яго выклікалі з-за падзеяў 6 чэрвеня, калі сябры ініцыятыўнай групы Святланы Ціханоўскай з Оршы прыехалі на пікет у Горкі. Па стане на 15-00 Дзмітрый не паведаміў нам пра сваё мецазнаходжанне і ёсць вялікая верагоднасць, што яго таксама затрымалі да панядзелка.
Усе названыя людзі маюць дачыненне да ініцыятыўнай групы Святланы Ціханоўскай. Яшчэ некалькі чалавек з групы па тэлефоне атрымалі папярэджанне ад міліцыі пра недапушчальнасць удзелу ў несанкцыянаваных акцыях.
