Нагадаем, што агулам за аршанскі "Ланцуг салідарнасці" было асуджана 5 чалавек. Міхаіла Чамураку затрымалі другім пасля акцыі. І хаця на судзе ён тлумачыў, што толькі падыйшоў да некаторых удзельнікаў акцыі, каб павітацца, суд вынес яму 13 сутак арышту.
Але ў панядзелак 29 чэрвеня Міхаіл Чамурака нечакана для сябе быў вызвалены з ІЧУ. Афіцыйнага тлумачэння прычыны такога нечаканага ызвалення няма, але самому Міхаілу міліцыянты сказалі, што ў ІЧУ нейкая інфекцыя.
Дарэчы хлопцаў якія затрымалі за "Ланцуг" у пятніцу: Павел Парфяненка, Генадзь Ларыёнаў і Аляксандар Андрэеў таксама апынуліся на волі. Суды над імі адначасова распачаліся ў панядзелак. Парфяненка атрымаў 10 сутак, астатнія па 15 і былі тут жа вызваленыя з-пад варты.
На фота: Вызвалены Аляксандар Андрэеў з сям'ёй
