У пятніцу адбылося два суды па справе "Ланцуга салідарнасці". Судзілі зноў прыхільнікаў Святланы Ціханоўскай. У выніку суда Екацярына Гарэлікава атрымала 20 базавых велічыняў штрафу, а Вадзім Капорыкаў 12 сутак арышту. Але гэта не ўсе палітычныя рэпрэсіі таго дня.
Традыцыйна на палітычныя працэсы прыходзіць даволі шмат людзей. Падтрымаць сваіх саратнікаў прыйшоў і Генадзь Ларыёнаў які за час гэтай выбарчай кампаніі ўжо двойчы арыштоўваўся і прыгаворваўся да розных тэрмінаў арышту. Проста ў судзе яму прыпомнілі, што ў яго яшчэ маюцца недасіджаныя суткі і адправілі ў ІЧУ.
У той жа дзень з дому забралі дасіджваць свае суткі Аляксандра Андрэева.
Такім чынам у аршанскім ІЧУ на дадзены момант 4 палітвязні: Генадзь Ларыёнаў, Аляксандар Андрэеў, Вадзім Капорыкаў і Міхаіла Чамурака. У Мінску ўсё яшчэ ў статусе палітвязня знаходзіцца аршанскі блогер Дзмітрый Казлоў.
