На Кургане безсмяротнасці 6 жніўня мусіў адбыцца чарговы мітынг у падтрымку Святланы Ціханоўскай - гэта адно з трох месцаў якое выканкамам дазволена для агітацыі за кандыдатаў. Але за дзень да таго тут пачаліся нейкія рамонтныя работы і сама пляцоўка каля помніка аказалася абгароджанай. Давераныя асобы, якія папярэджвалі пра правядзенне мітынга так і не дабіліся ад выканкама зразумелага тлумачэння можна праводзіць мерапрыемства ці не.
У выніку прыхільнікі Ціханоўскай адмянілі пікет, але ў складзе некалькіх чалавек прыйшлі на Курган, каб папярэдзіць ахвотных паўдзельнічаць пра тое што пікет не адбудзецца. І ў гэты момант да прысутных людзей, якія проста стаялі і размаўлялі паміж сабою падыйшлі супрацоўнікі міліцыі ў штацкім.
Абыйшлося без затрыманняў. Міліцыянты не пабачылі ні пікету, ні мітынгу, але папярэдзілі, што праводзіць іх нельга. Як гэта адбывалася можна пабачыць на відэа.
