Раней даволі апалітычны Алег Іваноў нечакана для сябе стаў адной з першых ахвяраў міліцэйскіх катаванняў у Оршы. Ён быў затрыманы адным з першых 9 жніўня. Пад час затрымання збівалі, у ІЧУ таксама. У выніку з міліцыі ён адразу апынуўся ў бальніцы Сямашка, па яго словах збіваць спрабавалі і ў бальніцы. У выніку рэанімацыя, пашкоджанні ўтутраных органаў, катэтар для спраўлення натуральных патрэбаў. А як толькі былі знятыя кайданкі, то Алег адразу адмовіўся ад працягу лячэння і вярнуўся дамоў.
Праўда дома сітуацыя не паляпшалася — два з паловай тыдні ў яго трымалася тэмпература, узмацняліся болі ва ўнутраных органах. Алег усё меньш мог самастойна хадзіць. Пры гэтым да медыкаў пасля таго, што перанес у міліцыі і бальніцы, ён звяртацца баяўся.
У выніку ў справу ўмяшалася Аршанская філія ПЦ «Вясна». Разумеючы, што чалавек проста марудна памірае, валанцёры прыехалі да яго да хаты і пачалі ўгаворваць пагадзіцца на лячэнне. Калі аргуманты правабаронцаў падзейнічалі і Іваноў пагадзіўся на лячэнне пачалася неверагодна тэрміновая праца. Меньш чым за гадзіну была знойдзена арганізацыя якая ўзяла б на сябе выдаткі па лячэнні Алега за мяжой, меньш за суткі спатрэбілася, каб аформіць усе дакуманты як па выезду за мяжу, так і на атрыманне палітычнага прытулка. Усяго дзве гадзіны спатрэбілася, каб знайшоўся кіроўца-добраахвотнік, які за свой кошт мог бы вывезці пацярпелага за мяжу.
На наступны дзень пасля пачатку працы на беларуска-латвійскай мяжы Алега ўжо чакала машына хуткай дапамогі суседняй дзяржавы. Памежнікі былі папярэджаныя, што да іх едзе ахвяра міліцэйскіх катаванняў. І таму адразу па прыездзе ён быў перададзены медыкам, а памежнікі пачалі афармляць дакуманты адначасова з першасным медычным аглядам. Дактары былі шакаваныя станам Алега і папрасілі памежнікаў заняцца дакумантамі пазней, бо патрабавалася экстранае лячэнне ў стацыянары, іначай пацыэнт мог проста не працягнуць і пары дзён.
Сёння Алег Іваноў знаходзіццы ў бяспецы — ён змешчаны ў сталічную Рыжскую бальніцу, паралельна ідзе афармленне дакумантаў. Пры жаданні Алег зможа атрымаць палітычны прытулак з усім забеспачэннем (жыллё і сродкі на першы час) з боку мясцовых грамадскіх арганізацый і дзяржавы. Але галоўнае, што цяпер яго жыццю нічога не пагражае, а медыкі стараюцца вярнуць і яго здароўе. Паралельна з лячэннем у стацыянары Алег будзе праходзіць і абавязковы каранавірусны каранцін, які складае два тыдні. Пасля гэтага да яго змогуць патрапіць і грамадскія актывісты і журналісты.
