Аляксандар Андрэеў быў даволі апалітычным да гэтай выбарчай кампаніі, а вясной актыўна падтрымаў Святлану Ціханоўскую і дапамагаў у працы яе мясцовага штабу. За гэта ён быў адзін з першых каго затрымала міліцыя ў час выбараў, а гэта адбылося амаль адразу пасля абвяшчэння выбараў-2020. Тады Аляксандар атрымаў 10 сутак.
У чэрвені Аляксандар зноў патрапіў за краты, на гэты раз ужо на 15 сутак і незадоўга да самой даты выбараў, калі злада палічыла патрэбным саджаць «на суткі» сябраў рэгіянальных штабоў менавіта гэтай кандыдаткі ў прэзідэнты, напэўна, каб не дапусціць пратэстаў, Андрэеў атрымаў яшчэ 15 сутак. Праўда гэтыя арышты наадварот справакавалі дэцэнтралізаваны выхад людзей на плошчы, у тым ліку і ў Оршы. Такім чынам, агулам за паўгады ў Аляксандра набралося 40 сутак да якіх яго прысудзіў аршанскі суд. Праўда, не ўсе з іх ён адседзеў — яшчэ адно ноу-хау гэтых выбараў адпускаць затрыманых раней тэрміну.
Ва ў мовах такога ціску Аляксандар палічыў за лепшае з’ехаць з краіны. На дадзены момант ён знаходзіцца ў Польшы, прайшоў абавязковы ковідны карантын і чакае сканчэння афармлення ўсіх патрэбных дакумантаў.
Аляксандар Андрэеў стаў другім аршанцам у 2020 годзе, які папрасіў палітычнага прытулку за мяжой. Раней быў вымушаны з’ехаць у эміграцыю таксама раней апалітычны Алег Іваноў — але яго матывавала не столькі пагроза новых арыштаў, колькі стан здароўя пасля катавання ў міліцыі. У Латвіі Іванову ўжо правялі адну аперацыі і зараз ён на рэабілітацыі ў чаканні яшчэ адной аперацыі. Нагадаем, што баючыся чарговых катаванняў, Іваноў адмовіўся ад знаходжання ў аршанскай бальніцы, але стан здароўя пагаршаўся і праваабаронцы вывезлі яго ў Латвію дзе яму была аказаная тэрміновая медычная дапамога.
На фота: Аляксандар Андрэеў з сям’ёй пасля вызвалення з чарговых недаседжаных «сутак».
