Самай папулярнай тэмай у сакавіку 2020 году быў, вядома, каранавірус. Найбольшы рэзананс у чытачоў нашага сайту выклікала публікацыя чутак, што ходзяць у горадзе — людзям было цікава прачытаць, што ж выдумляюць ці «прыкрашаюць» землякі, каб распавесьці пра каранавірус, нагнаць страху ці, наадварот, змусіць людзей хоць неяк засцерагчыся ад навалы ва ўмовах, калі дзяржава ігнаруе праблему.
Чыталі людзі і пра першыя вынікі прыходу пандэміі ў горад, а таксама артыкул пра імаверны прыход каранавірусу на «Світанак».
Чыталі людзі і пра гібель таксіста на дарозе «Орша — Коханава».
Больш за 5 тысяч чалавек прачыталі матэрыял ад Аляксандра Мухіна пра вобшук у ягоным доме ў Барані.
Таксама папулярнай стала яшчэ адна бараньская тэма — камэнтар дырэктара «Тэхнікі сувязі», які заявіў Orsha.eu аб тым, што каранавірус не парушыў працу завода.
І яшчэ адной чытанай навіной у гэтым месяцы стала смерць пасля пажару ў Лёзне.
