У горадзе з'явіліся міліцэйскія абвесткі пра вышук Ігара Казмерчака. У абвестках напісана, што Ігар схаваўся ад следства і з'яўляецца не падазраваным, а абвінаваным у абразе прэзідэнта.
Варта адзначыць, што Ігар не хаваўся ад следства, бо крымінальная справа заведзена толькі 1 красавіка, а Казмерчак з лістапада мінулага года знаходзіцца за мяжой. Адпаведна, калі Ігар з'язжаў яшчэ аніякага следства не было і намеру схавацца ад яго "абвінавачаны" мець не мог.
З усіх палітычна актыўных аршанцаў гэта першы выпадак, калі чалака вышукваюць такім метадам. Раней нават рэспубліканскія палітычныя лідары амаль не патраплялі на дошкі "Іх шукае міліцыя". Можам выказаць здагадку, што Лукашэнка, якога міліцыянты лічаць прэзідэнтам, надта моцна пакрыўдзіўся на абразу Ігара Казмерчака, хаця Ігар так і не ведае чым канкрэтна мог яго абразіць.
