Унікальнае паседжанне адбылося сёння ў Аршанскім судзе. На лаве падсудных мусіў апынуцца Арцём Новікаў, які, праўда, так і не прыехаў, бо знаходзіцца за мяжой.
Мужчына абвінавачваўся ў тым, што яшчэ 17 жніўня 2020 напісаў у адным з тэлеграм каналаў абразлівы каментар у дачыненні да Лукашэнкі. Два гады ішло разбіральніцтва і толькі зараз яно дайшло да суда. Менаівта гэты зацягнуты час і сыграў на руку падсуднаму. Судзя Вяршыніна прыняла арыгінальнае па сёняшніх часах рашэнне. Яна палічыла, што на момант абразы гэта не лічылася асабліва цяжкім злачынствам, а на сёняшні дзень ужо прамінуў тэрмін даўнасці па не цяжкіх артыкулах.
У выніку, не патрапіўшы на суд Новікаў, аказаўся вызваленым ад адказнасці.
