Сёння спіс экстрэмістаў улады папоўнілі адразу на 143 чалавекі, агулам у ім 843 асобы. Мы паспрабавалі прааналізаваць спіс і выявілі ў ім прынамсі 24 прозвішчы, якія маюць дачыненне да Аршанскага і Дубровенскага раёнаў. Яшчэ некалькі асобаў у Горацкім раёне, але мы іх не ўключаем у спіс землякоў. Спіс экстрэмістаў зноў з вялікай колькасцю памылак. Так, Уладзімір Шынкевіч і Максім Шаўлінскі ўжо выйшлі на волю, але ў спісе яны пазначаныя як адбываючыя пакаранне. Сяргей Парфяненка, Дзмітрый Матусевіч, Вячаслаў Лютынскі і Міхаіл Чамурака знаходзяцца за мяжой, а міліцыя лічыць, што яны парцягваюць адбываць пакаранне.
Сярод асабліва вядомых аршанцаў: Зміцер Казлоў, вядомы як блогер "Серый кот". Ёсць цяпер у спісе і некалькі жанчынаў з Оршы: Наталля Лёўкіна, Лідзія Папова.
