Суд Ленінскага раёна горада Гродна прызнаў тэлеграм-чаты «Суседзі Каўбасіна», «Дзевятоўка», «Гродна Дзевятоўка», «Гродна Альшанка» экстрэмісцкімі матэрыяламі. Рашэнне было прынята 30 лістапада.
Але гэта не ўсе старонкі, якія патрапілі ў «няласку» ўладам. Ёсць тут і аршанскі след. Таксама ў «экстрэмісцкі» спіс Міністэрства інфармацыі ўнесены тэлеграм-каналы «Чорная кніга Койданава — чат», «Орша для жыцця» і старонка «bela.rus.2020» у інстаграм.
«Орша для жыцця» ўзнікла на фоне грамадзянскай кампаніі блогера Сяргея Ціханоўскага «Краіна для жыцця», якая фактычна стала перадвыбарнай. Цяпер Ціханоўскі на 18-гадовым турэмным тэрміне па палітычных матывах, а ягоная жонка Святлана ў вымушанай эміграцыі.
