Гаворка ідзе пра Паўла Вінагарадава - дастаткова вядомага сталічнага актывіста вулічных акцыяў (хаця жыў у Беразіно ў прыватным доме). Яго асудзілі на пяць гадоў па трох артыкулах за каментары ў сацыяльных сатках ды яшчэ і дадалі ў "спіс тэрарыстаў" - паведамляе ПЦ "Вясна". У турме ён заразіўся на сухоты і таму быў накіраваны ў аршанскую прывакзальную турму. У нашым горадзе Вінаградаў быў пад пастаянным прэсінгам - яго запісалі ў злосныя парушальнікі рэжыму і перавялі ў "спецыяльную палату" - тое, што ў звычайных турмах камеры. Саджалі ў ШЫЗО, пазбавілі перадачаў і гэта ўсё за тое, што хворы ён лёг днём на нары.
Як паведаміла, сёння жонка палітвязня, Павал вылечыўся ад сухотаў і быў пераведзены ў Ваўкавыскую калонію №11. Адрас для лістоў: ПК № 11. 231900, г. Ваўкавыск, вул. Ракасоўскага, 118
