Раней мы пісалі пра тое, што ў Беларусі праходзіць чарговы конкурс прыгажосці «Міс Беларусь». У фінал трапіла Аліна Герасіменка з Воршы.
Але замест таго, каб паказваць хараство беларускай прыроды, свае ўменні і розум з кемлівасцю, дзяўчын выкарыстоўваюць у прапагандзе культу асобы Аляксандра Лукашэнкі.
Фрагмент прапагандысцкага відэа
Напярэдадні фіналістак прывялі на так званую «Плошчу дзяржаўнага сцяга», дзе на яе чырвона-зядёным фоне апранулі ўдзельніц у майкі з цытатамі Лукашэнкі. Такая фотасесія стала бы нагодай для скасавання конкурсу і адхілення членаў журы ў любой дэмакратычнай краіне. Як правіла, на конкурсах прыгажосці забараняюцца любыя палітычныя маніфестацыі і лозунгі. Аднак у цяперашняй Беларусі гэта звыклая справа. Улады робяць выгляд, што нічога не адбываецца і выкарыстоўваюць юных удзельніц конкурсу прыгажосці ў сваіх мэтах.
