Дэтлеф Мюллер - дэпутат нямецкага парламента, які стаў сімвалічным хросным бацькам Васіля Берансева. Сімвалічныя хросныя - гэта вядомыя палітыкі, якія бяруцца падтрымліваць беларускіх палітвязняў.
Калі стала вядома пра праблемы са здароўем у Васіля Ціханавіча, Дэтлеф у сваім інстаграме выказаўся з гэта й нагоды і заклікаў вызваліць палітвязня. Прыводзім тэскт звароту цалкам:
"Больш за год я праз сваё шэфства заклікаю вызваліць беларускага грамадзяніна і дзеяча Васіля Бераснева. Кіраўнік незалежнага прафсаюзнага руху знаходзіцца ў палітычным зьняволенні ў Беларусі з красавіка 2022 года.
Стан ягонага здароўя рэзка пагоршыўся, але ён не атрымлівае ніякай належнай дапамогі або лячэння. Яму 71 год. Яго прысудзілі да дзевяці гадоў пазбаўлення волі.
Я патрабую неадкладнага вызвалення Васіля Бераснева і ўсіх палітычных вязняў!"
Канешне, на вызваленне Бераснева гэтая заява мала паўплывае, але заявы такіх уплывовых людзей дапамагаюць трымаць у інфармацыйным полі пытанне беларускіх палітвязняў.
