26 лістапада 1930 года нарадзіўся Уладзімір Караткевіч. Такім чынам, сёння вялікаму беларускаму пісьменніку споўнілася бы 94 гады. Нашы журналісты шматразова публікавалі артыкулы пра клясіка беларускай літаратуры, агульную інфармацыю пра яго мы публікавалі безліч разоў у розных рубрыках і з розных нагодаў.

Цяпер, у такі адметны дзень для аршанскай гісторыі, мы паглядзім, якім чынам мы прыгадвалі Уладзіміра Караткевіча на сайце за апошні год і за год да юбілею з дня нараджэння. За гэтыя месяцы мы ўспаміналі:

Песні па матывах Караткевіча.

У снежні на YouTube-канале «Беларуская літаратура» адбылася святочная прэм’ера аўдыёкнігі па казках аўтара.

У сакавіку сёлета памёр аўтар помніка Караткевічу ў гарадскім парку Воршы Ігар Голубеў.

У ліпені беларусы знайшлі адметнае слова ў нямецкім перакладзе твору «Дзікае паляванне караля Стаха». Атрымалася сапраўдная знаходка! Таксама ў тым месяцы ў Варшаве прайшла сустрэча памяці Караткевіча, прыгадвалі ягоныя кнігі, а Зянон Пазьняк расказаў пра сваё знаёмства і сяброўства з аршанцам.

Наш сайт апублікаваў артыкул на 40-годдзе смерці пісьменніка.

У жніўні мы ўжо ўспомнілі татуіроўкі Алеся Пушкіна па матывах Караткевіча.

У верасні сталі вядомыя вынікі даследванняў Інстытута сацыялогіі Акадэміі навук. Яны паказалі, што аршанец дагэтуль застаецца найпапулярнейшым беларускім пісьменнікам.

У новай кнізе «На „Старт“ і ў „Тэмпе“» ёсць адказ на пытанне, як звязаныя беларускі пісьменнік-класік і найпапулярнейшая гульня ў свеце — футбол.

Такім чынам, амаль штомесяц пра Караткевіча на нашым сайце выходзіла па публікацыі. А часам і болей за адну. Ці гэта не сведчыць пра сілу класіка, які застаецца актуальным для беларускага жыцця і сёння, праз 40 гадоў пасля смерці? У Воршы праводзяцца памятныя мерапрыемствы ў гонар пісьменніка.

Акрамя таго, два відэа выйшлі на нашым Ютуб-канале. Адно з іх — пра актуальнасць і легенды «Дзікага палявання…», другое — пра апошнюю загадку Караткевіча.