1894 г., 31 студзеня Нарадзіўся Максім Іванавіч Мухтар-Ландарскі (в. Калінаўка Дубровенскага р-на Віцебскай вобл.), удзельнік грамадзянскай і Вялікай Айчыннай войнаў. У 1918 г. камандзір атрада, удзельнік разгрому леваэсэраўскага паўстання ў Оршы і Сянно. Памёр у 1976 г.

М.І. Мухтар-Ландарскі.

1894 г., 7 сакавіка Нарадзіўся Сяргей Георгіевіч Лазо (с. Пятры, цяпер Лазо Аргееўскага р-на, Малдова), адзін з кіраўнікоў савецкага партызанскага руху ў Сібіры і Прымор’і ў грамадзянскую вайну. У маі 1920 г. захоплены і вывезены японскімі інтервентамі з Уладзівастока, спалены ў паравознай топцы. Імем Сяргея Лазо названы завулкі ў Оршы.

С.Г. Лазо.

1894 г., 5(17) красавіка Нарадзіўся Мікіта Сяргеевіч Хрушчоў (в. Калінаўка Курскай вобл., Расія), савецкі дзяржаўны і палітычны дзеяч. Герой Савецкага Саюза (1964), тройчы Герой Сацыялістычнай Працы (1954, 1957, 1961). З верасня 1953 г. 1-ы сакратар ЦК КПСС, адначасова ў 1958-1964 гг. старшыня Савета Міністраў СССР. Унутраная і знешняя палітыка Хрушчова вызначалася непаслядоўнасцю. Зняты з пасады ў кастрычніку 1964 г. Памёр 11 верасня 1971 г.

М.С. Хрушчоў.

1894 г. У Оршы пабудавана (ці рэканструявана) драўляная Свята-Петрапаўлаўская царква. Знаходзілася на гарадскіх могілках па вуліцы Слабадской (цяпер Пралетарская). Разбурана ў пачатку 1960-х гг.

Свята-Петрапаўлаўская царква. Фота 1950-х гг.

Падмуркі царквы. Фота А.М. Шынкевіча. 1980-я гг.

Месца, дзе знаходзілася царква. Фота 2012 г.

1894 г., 7(19) верасня У Оршы нарадзіўся Доў Хоз, яўрэйскі грамадскі і палітычны дзеяч, з 1906 г. – у Ізраілі, адзін з арганізатараў левага сіянісцкага руху ў Ізраілі, з 1928 г. узначальваў Сусветны савет “Паалей Цыён”, адзін з піянераў авіяцыі ў Ізраілі. Памёр 29 снежня 1940 г. Імем Хоза быў названы муніцыпальны аэрадром “Сдзе-Доў” каля Тэль-Авіва.

Доў Хоз.

1894 г., 14(26) лістапада Нарадзіўся Іван Дзмітрыевіч Папанін (г. Севастопаль, Украіна), савецкі даследчык Арктыкі, двойчы Герой Савецкага Саюза (1937, 1940), контр-адмірал (1943), доктар геаграфічных навук (1938). Памёр 30 студзеня 1986 г. Імем Івана Папаніна названа вуліца ў Оршы.

І.Дз. Папанін.

1894 г. У Оршы заснавана механічная майстэрня “по устройству земледельческих орудий и других предметов”.

1894 г. У Оршы адкрыта Талмуд-Тора – рэлігійная школа для дзяцей з бедных яўрэйскіх сем’яў.

Сінагога ў Оршы. Фота канца ХІХ – пачатку ХХ ст.

Працягваем публікаваць Храналогію гісторыі Оршы ад гісторыка Віктара Лютынскага: уступ 1552 г. - 1562 г., 1563 г. - 1566 г. Частка 2. 1566- 1587 гг. Частка 3. 1579 г. - 1585 г. Частка 4. 1586 г. - 1595 г., 2 жніўня. Частка 5., 1596 г., люты - Канец XVI ст. Частка 6,