1902 г., 11 студзеня У Оршы нарадзіўся Адам Станіслававіч Дземяшкевіч, савецкі военачальнік, генерал-лейтэнант авіяцыі (1959).Удзельнік Вялікай Айчыннай вайны. Памёр 12 верасня 1962 г.

1902 г., 7 (20) лютага Нарадзіўся Леў Міхайлавіч Даватар (в. Хоціна Лепельскага пав. Віцебскай губ., цяпер Бешанковіцкі р-н Віцебскай вобл.), савецкі военачальнік, генерал-маёр (1941), Герой Савецкага Саюза (1941). У Чырвонай Арміі з 1924 г. Удзельнік Вялікай Айчыннай вайны. З лістапада 1941 г. камандаваў кавалерыйскім корпусам. Загінуў у баі 19 снежня 1941 г. Імем Льва Даватара названы вуліца, завулкі і праезд у Оршы.

Л.М. Даватар.

1902 г., 4 красавіка Нарадзіўся Георгій Васілевіч Сямёнаў (в. Кочнева Вязнікаўскага р-на Уладзімірскай вобл., Расія), гаспадарчы дзеяч. Дырэктар Аршанскага льнокамбіната (у красавіку-ліпені 1941 г., 1944-55 гг., 1956-72 гг.). Герой Сацыялістычнай Працы (1966), заслужаны работнік прамысловасці БССР (1972), ганаровы грамадзянін Оршы (1972). Памёр 14 мая 1976 г. Імем Георгия Сямёнава названы вуліца, ліцэй тэкстыльшчыкаў, СШ №19.

Г.В. Сямёнаў.

1902 г ., 1 ліпеня Нарадзіўся Іван Барысавіч Пазнякоў (в. Хутаранка Гомельскага р-на), адзін з арганізатараў і кіраўнікоў партызанскага руху на тэрыторыі Віцебскай вобласці ў гады Вялікай Айчыннай вайны. У другой палове 1940-х гг. працаваў першым сакратаром Аршанскага ГК КПБ.

І.Б. Пазнякоў.

1902 г. У Оршы нарадзіўся Барыс Саламонавіч Краснікаў, капітан Дзяржбяспекі, начальнік Палоцкага міжраённага аддзела НКДБ. Удзельнік абарончых баёў на тэрыторыі Беларусі ў пачатку Вялікай Айчыннай вайны. Загінуў 8 ліпеня 1941 г. у Полацку.

1902 г., 4 верасня Заключаны Дагавор аб сумесным карыстанні станцыяй Орша паміж Маскоўска-Брэсцкай і Рыга-Арлоўскай чыгункамі.

Чыгуначны вакзал у Оршы. Фота канца ХІХ ст.

Чыгуначны вакзал у Оршы. Фотапаштоўка пачатку ХХ ст.

1902 г. Узведзены мураваны млын на канале, які злучаў Аршыцу з Дняпром. Быў адным з буйнейшых у Магілёўскай губерні. Будынак млына разам з пабудаваным побач арачным мастом унесены ў Дзяржаўны спіс гісторыка-культурных каштоўнасцяў Рэспублікі Беларусь.

Млын. Сучаснае фота.

1902 г., 24 снежня Уведзенаў дзеянне лінія Віцебск-Жлобін, якая была ўключана ў склад Рыга-Арлоўскай чыгункі. Даўжыня дарогі склала каля 265 вёрст. Прапускная спасобнасць лініі склала дзве пары пасажырскіх і сем пар таварных (грузавых) цягнікоў з сярэдняй хадавой хуткасцю адпаведна 30 і 20 вёрст у гадзіну. Лінія мела важнае народнагаспадарчае значэнне: яна забяспечыла надзейную транспартную сувязь між сталіцай імперыі Санкт-Пецярбургам і поўднем краіны. Адкрыццё лініі Віцебск-Жлобін садзейнічала стварэнню Аршанскага чыгуначнага вузла., які працаваў на чатыры напрамкі і складаўся з дзвюх станцый – пасажырскай і грузавой, якія належылі дзвюм розным дарогам. Яго стварэнне таксама дало штуршок эканамічнаму развіццю Оршы.

Спражка чыгуначніка Рыга-Арлоўскай чыгункі.

Станцыя Орша-Таварная. Фота пачатку ХХ ст.

Схема чыгуначнай станцыі Орша-Таварная.

1902 г. Адміністратарам аршанскага касцёла Св. Язэпа стаў Антон Магун.

Касцёл Св. Язэпа. З фотапаштоўкі пачатку ХХ ст.

1902 г. У Оршы пры клубе чыгуначнікаў створаны аматарскі тэатральны гурток – адзін са старэйшых на Беларусі. Кіравала гуртком настаўніца К. Сцяпанава.

Працягваем публікаваць Храналогію гісторыі Оршы ад гісторыка Віктара Лютынскага: уступ 1552 г. - 1562 г., 1563 г. - 1566 г. Частка 2. 1566- 1587 гг. Частка 3. 1579 г. - 1585 г. Частка 4. 1586 г. - 1595 г., 2 жніўня. Частка 5., 1596 г., люты - Канец XVI ст. Частка 6,