Аршанец адзін разгрузіў амаль дзве тоны сыру. Чужога сыру. Гісторыя стала вядомай, кагосьці насмяшыла, але не фігурантаў справы.
9 траўня масава адкрыўся мотасезон.
Рэдактара нашага сайту абвясцілі ў міжнародны вышук, але Ігар Казмерчак не разгубіўся і паразмаўляў са Следчым камітэтам.
Адбылася важная падзея ў справе даследавання камуністычных рэспрэсій у Беларусі, выйшла вялікая кніга пра сталінскія рэпрэсіі ў Аршанскім рэгіёне.
У Высокім працягнула развальвацца сядзіба. А ў Воршы ўлады знішчылі гістарычны будынак піўзавода, пазбавіўшы горад чарговага аб’екту гістарычнай спадчыны, які можна было б захаваць для будучых пакаленняў.
У аптэках Воршы працягнулася знікненне важных лекаў, гэта адбываецца праз міжнародныя санкцыі і праз іншыя фактары.
Служба бяспекі Украіны стала падазраваць аршанскага прарасейскага найміта ў ваенных злачынствах.
Тым часам з могілак у Воршы скралі ўнікальную пліту, якая была на Шчацінцы. Гэта было адно з найстарэйшых надмагілляў у горадзе.
Дастаткова хутка ў Воршы ўзведзены новы будынак музея Заслонава.
