У верасні стала вядома, што канчаткова зачынілася першая камерцыйная гандлёвая сетка Аршаншчыны — «Мяркам». Уладальнік сеткі Мікалай Сінякоў шмат гадоў уваходзіў у топ самых уплывовых бізнэсоўцаў краіны, нямала сродкаў аддаючы на дабрачыннасць. Але прыйшоў канец апошняй краме «Гасцінец» ад «Мяркаму», якая была на вуліцы Магілёўскай. На яе месцы паўстала «Капеечка».
Скандальнае забойства паштаркі на Замосці атрымала працяг. Забойцам аказаўся 71-гадовы пенсіянер.
У Воршы з’явіўся ўласны апарат магнітна-рэзананснай тэрапіі.
Два важныя ролікі выйшлі на нашым ютуб-канале. У адным з іх мы расказалі, як будзе выглядаць Аршанскі павет пры новай адміністрацыйна-тэрытарыяльнай мапе краіны ў выпадку пераменаў, а ў другім — пра старую чынавецкую ідэю аб’яднання Барані і Воршы.
Арыгінальную схованку для наркотыкаў прыдумаў 54-гадовы аршанец. Яго кампаньёнам стала... малпа.
